امارات میں کورونا کے نئے کیسز پھر دو ہزار سے زیادہ

متحدہ عرب امارات میں سنیچر کو پچھلے چوبیس گھنٹے میں کورونا کے دو ہزار سے زیادہ نئے کیسز کی تصدیق ہوئی ہے۔

امارات کی سرکاری خبر رساں ایجنسی’ وام ‘ نے وزارت صحت کے حوالے سے بتایا کہ ’پچھلےچوبیس گھنٹے کے دوران جدید تشخیصی آلات کی مدد سے کورونا کے مزید 2 لاکھ 46 ہزار 510 ٹیسٹ کیے گئے‘ ۔

 نئے ٹیسٹ کے نتیجے میں مزید دوہزار 150 نئے کیسز سامنے آئے ہیں۔ نئے مریض مختلف قومیت سے ہیں، ان سب کی حالت مستحکم ہے اور انہیں ضروری علاج فراہم کیا جارہا ہے۔

امارات میں مجموعی متاثرین کی تعداد بڑھ کر 5 لاکھ 81 ہزار 197 ہوگئی ہے۔

پچھلے چوبیس گھنٹے کے دوران زیرعلاج مریضوں میں سے مزید پانچ مریض چل بسے۔ مرنے والوں کی تعداد ایک ہزار 696 ہوگئی۔

 وزارت نے عوام کو احتیاطی تدابیر کا سلسلہ جاری رکھنے اور سماجی فاصلے کی پابندی کی پھر ہدایت کی ہے۔

بیان کے مطابق ’وبا سےمتاثرہ افراد میں سے مزید دو ہزار 150 مکمل صحتیاب ہوگئے۔ صحتیاب ہونے والوں کی تعداد بڑھ کر 5 لاکھ 60 ہزار 734 ہوگئی ہے‘۔ 

 وزارت صحت کے اعلان کے مطابق ’پچھلے چوبیس گھنٹے کے دوران کورونا ویکسین کی مزید 66 ہزار 666 خوراکیں دی گئی ہیں۔ اب تک ویکسین کی ایک کروڑ کروڑ 32 لاکھ 94 ہزار 10 خوراکیں دی جاچکی ہیں‘۔