سعودی عرب میں شمسی توانائی اور ہوا سے چلنے والا میٹھے پانی کا پلانٹ

ریڈ سی ڈویلپمنٹ کمپنی نے میٹھے پانی کے منفرد منصوبے کا افتتاح کیا ہے جو قدرتی ماحول کو تحفظ دینے کے لیے مکمل طور پر سورج کی روشنی اور ہوا سے کام کرے گا۔

سبق ویب سائٹ کے مطابق یہ سعودی عرب میں اپنی نوعیت کا پہلا پلانٹ ہے جو کاربن کے اخراج کو کم کرنے میں معاون ہوگا۔

سعودی سیاحت کو فروغ دینے اور مملکت کے وژن کو 2030 کے اہداف کے مطابق ترقی کی منازل کے حصول کا ذریعہ ہو گا۔

ریڈ سی ڈویلپمنٹ کمپنی کے چیف ایڈمنسٹریٹرکے ترجمان انجینیئر احمد درویش نے کہا ہے کہ ’یہ منصوبہ پانی کو صاف کرنےکے لیے کام کرنے والی بین الاقوامی ’سورس گلوبل‘ کمپنی کے تعاون سے شروع کیا گیا ہے‘۔

’اس اہم منصوبے کا آغاز سعودی ملٹی پروڈکٹ سیاحت کی مناسبت کے مطابق ہے۔ یہ منصوبہ سیاحت سے متعلق متنوع منصوبوں میں سے ایک ہے‘۔

انہوں نے کہا ہے کہ ’شمسی توانائی سے واٹر فلٹرپلانٹ اپنی نوعیت کا سب سے بڑا منصوبہ ہے جس کی پیداواری گنجائش 20 لاکھ  گیلن ہیں۔