سعودی حکومت کی خدمات قابل تحسین ہے ، سردار عتیق

 آزاد کشمیر کے سابق صدر سردار عتیق خان نے کہا ہے کہ سعودی حکومت کی خدمات قابل تحسین ہے جن پر ہم دل کی گہرائیوں سے شکریہ ادا کرتے ہیں ۔ سعودی عرب امت مسلمہ کا مرکز ہے اس لئے دنیا بھر کے مسلمانوں کا فرض ہے کہ وہ مملکت کے استحکام کےلئے اپنی ذمہ داریاں ادا کریں ۔ اردو نیوز سے خصوصی گفتگو کرتے ہوئے انہوں نے کہا کہ جموں کشمیر میں حالیہ قتل و غارت گری ہندوستانی کے جمہوری نظام پر بد ترین داغ ہے ۔ عالمی برادری کی مجرمانہ خاموشی مسئلے کو مزید پےچےدہ بنا رہی ہے ۔ جنوبی ایشیاءکا مستقبل مسئلہ کشمیر کے پر امن حل سے مشروط ہے ۔ یہ بات واضح ہے کہ یہ تنازع پاکستان اور ہندوستان تنہا حل نہیں کر سکتے ۔ خطے میں امن کی خواہشمند قوتوں کو اپنا کردار اداکرنا چاہئے ۔