اردن کے شاہی ایلچی شہزادہ محمد بن طلال کا انتقال
جمعرات 29 اپریل 2021 22:30
شہزادہ محمد کو 1973 میں شاہ اردن کا نجی نمائندہ تقرر کیا گیا تھا- (فوٹو سبق)
اردن کے ایوان شاہی نے جمعرات کو بیان جاری کرکے کہا ہے کہ شہزادہ محمد بن طلال کا 81 برس کی عمر میں انتقال ہوگیا-
سبق ویب سائٹ کے مطابق ایوان شاہی نے شہزادہ محمد بن طلال کی وفات پر رنج و ملال کا اظہار کرتے ہوئے انہیں خراج عقیدت پیش کیا- وہ شاہ اردن کے نجی نمائندے تھے-
شہزادہ محمد بن طلال 2 اکتوبر 1940 کو پیدا ہوئے تھے- وہ اردن کے دوسرے فرمانروا شاہ طلال بن عبداللہ اور ملکہ زین الشرف کے دوسرے بیٹے تھے-
شہزادہ محمد کو 1973 میں شاہ اردن کا نجی نمائندہ تقرر کیا گیا تھا- وہ اپنی وفات تک اس منصب پر فائز رہے-
خود کو اپ ڈیٹ رکھیں، واٹس ایپ گروپ جوائن کریں
