سعودی عرب میں سیکیورٹی آپریشن کے قومی مرکز نے بدھ کو بارش کے باعث خطرات کے پیش نظر الھدا روڈ دونوں طرف سے بند کردیا ہے۔
عاجل ویب سائٹ کے مطابق سیکیورٹی آپریشن کے قومی مرکز نے ٹوئٹر پر بیان میں کہا کہ الھدا آنے جانے والا روڈ عارضی طور پر بند کیا جارہا ہے۔ یہ فیصلہ احتیاطی تدبیر کے طور پر کیا گیا ہے۔ بارش کے پیش نظر چٹانیں گرنے کے امکانات بڑھ گئے ہیں۔
سیکیورٹی آپریشن کے قومی مرکز نے بیان میں مزید کہا کہ یہ فیصلہ راہگیروں کی صحت و سلامتی کی خاطر کیا گیا ہے۔ خطرات دور ہوتے ہی الھدا روڈ کھول دیا جائے گا۔
یاد رہے کہ سیکڑوں سعودی اور مقیم غیر ملکی طائف آنے جانے کے لیے الھدا روڈ استعمال کرتے ہیں۔
