پولیس کے بھیس میں غیر ملکیوں کو لوٹنے والے گرفتار

سعودی عرب میں مکہ مکرمہ ریجن پولیس کے ترجمان نے کہا ہے کہ ’جدہ میں سیکیورٹی فورس کے اہلکاروں کے بھیس میں غیر ملکیوں کو لوٹنے والے سعودی شہری اور ایک مقیم غیرملکی کو گرفتارکیا گیا ہے‘۔

سعودی خبررساں ادارے ایس پی اے کے مطابق پولیس ترجمان نے بتایا کہ ’غیرملکیوں کو ان کی رہائش پر جاکر لوٹنے والوں میں ایک سعودی شہری اور مملکت میں مقیم  یمنی شہری ملوث تھے۔ دونوں پولیس کے بھیس میں وارداتیں کرتے رہے ہیں‘۔

پولیس ترجمان نے بتایا کہ ’سعودی اور یمنی غیرملکی ورکرز کی رہائش پر پہنچ جاتے تھے جہاں خود کو پولیس اہلکار ظاہر کرکے ان سے نقدی اور قیمتی اشیا چھین لیتے تھے۔ دونوں کو حراست میں لے کر قانونی سزا دلانے کے  لیے پبلک پراسیکیوشن کے حوالے کردیا گیا‘۔