مکہ ریجن سمیت کئی علاقوں میں گرد آلود ہواوں اور بارش کا امکان

سعودی عرب میں موسمیات کے قومی مرکز نے منگل 20 اپریل کے حوالے سے موسمی تبدیلیوں کے بارے میں پیشگوئی جاری کی ہے۔

اخبار 24 کے مطابق قومی مرکز کا کہنا ہے کہ منگل کو جازان، عسیر، باحہ اور مکہ مکرمہ کے بالائی علاقوں میں  گرد آلود تیز ہوائیں چلیں گی جبکہ ان مقامات پر ژالہ باری اور گرج چمک کے ساتھ بارش کا بھی امکان ہے۔ 

قومی مرکز کا کہنا ہے کہ  منگل کو سعودی عرب میں سب سے زیادہ درجہ حرارت 40 سینٹی  گریڈ مکہ مکرمہ اور سب سے کم درجہ حرارت 14 سینٹی گریڈ ابہا اور باحہ میں ہوگا۔