خود کو سکیورٹی اہلکار ظاہر کرنے والے تین پاکستانی گرفتار

جدہ پولیس نے خود کو سکیورٹی اہلکار ظاہر کر کے لوگوں کو لوٹنے والے تین پاکستانی تارکین کو گرفتار کیا ہے۔

سعودی پریس ایجنسی کے مطابق مکہ ریجن پولیس کے ترجمان نے کہا ہے کہ ’گرفتار افراد عمر کی تیسری دہائی میں ہیں اور انہیں رنگے ہاتھوں گرفتار کیا گیا ہے۔‘

انہوں نے کہا کہ ’گرفتار شدگان اپنے دو ہم وطن جن میں سے ایک اقامہ ہولڈر تھا جبکہ دوسرا غیر قانونی مقیم تھا، کے گھر خود کو سکیورٹی اہلکار ظاہر کر کے داخل ہوگئے‘۔

مکہ ریجن پولیس کے ترجمان کے مطابق ان کی رہائش سے نقدی اور منشیات ضبط کی گئی ہیں، تمام افراد کو گرفتار کر کے ان سے تفتیش جاری ہے۔

پولیس کا کہنا ہے کہ ضابطے کی ابتدائی کارروائی کی گئی ہے جس کی تکمیل پر انہیں پبلک پراسیکیوشن کے حوالے کردیا جائے گا۔