دوست کے والد کو بچانے کی کوشش کرنے والا نوجوان ڈوب گیا
بزرگ کو بچانے کے لیے نوجوان نالے میں کود گیا۔ (فوٹو: سبق)
قنفذہ میں اپنے دوست کے والد کو ڈوبنے سے بچاتے ہوئے ایک 30 سالہ شہری جان کی بازی ہار گیا۔
سبق ویب سائٹ کے مطابق سعودی نوجوان علی البطاشی اپنے دوست کے والد کو ڈوبنے سے بچانے کے لیے خود نالے میں ڈوب گئے۔
واقعے کی اطلاع ملتے ہی ہلال احمر اور شہری دفاع کی ٹیمیں موقع پر پہنچ گئیں تاہم اس وقت تک وہ جان کی بازی ہار چکے تھے۔
شہری دفاع نے کہا ہے کہ ’ڈوبنے والے نوجوان نے اپنے دوست کے والد کو درخت کی شاخ کو پکڑے ہوئے دیکھا۔‘
شہری دفاع کے مطابق ’بزرگ کو بچانے کے لیے وہ نالے میں کود گئے مگر درمیان میں ایک گہرا گڑھا تھا جس میں وہ ڈوب گئے۔‘
نوجوان کی لاش کو نکالا گیا ہے اور اسے قریبی ہسپتال کے سرد خانے میں رکھ دیا گیا ہے۔
ضابطے کی کارروائی کے بعد تدفین کے لیے گھروالوں کے حوالے کیا جائے گا۔
ملازمت کے نئے نظام میں کارکنوں کے اوقات کار کیا ہوں گے؟Node ID: 550586
کورونا کی تازہ صورتحال پر پریس کانفرنس آج ہوگیNode ID: 550636
