Sorry, you need to enable JavaScript to visit this website.
منگل ، 10 جون ، 2025 | Tuesday , June   10, 2025
منگل ، 10 جون ، 2025 | Tuesday , June   10, 2025

ملازم کی بیگمات کا میڈیکل انشورنس آجر کے ذمہ ہوگا

آجراپنے کارکن کے اہل خانہ کی میڈیکل انشورنس کرانے کا پابند ہے(فوٹو، ٹوئٹر)
سعودی عرب میں ہیلتھ انشورنس کونسل نے کہا ہے کہ اجیر کی تمام بیویوں کی میڈیکل انشورنس آجر کے ذمے ہے-  
عاجل ویب سائٹ کے مطابق ہیلتھ انشورنس کونسل نے بیان جاری کرکے کہا ہے کہ اگر اجیر کی ایک سے زیادہ بیویاں ہوں تو ان سب کی میڈیکل انشورنس آجر پر لازم ہے- 
انشورنس کونسل کا کہنا ہے کہ قانون محنت کے بموجب آجر کا فرض ہے کہ وہ اپنے اجیر، اس کے تمام اہل خانہ، بیگمات، 25 برس تک کے بیٹوں، غیر شادی شدہ اور غیرملازم بیٹیوں کی انشورنس کرائے- لڑکیوں کے  حوالے سے عمر کی کوئی قید نہیں البتہ یہ ضروری ہے کہ  وہ شادی شدہ نہ ہوں اور کہیں ملازمت نہ کررہی ہوں۔

شیئر: