جدہ میونسپلٹی نے 105 تجارتی ادارے سیل  کردیے 

جدہ میونسپلٹی نے کورونا وائرس سے بچاؤ کے  لیے مقرر حفاظتی اقدامات کی خلاف ورزیوں کے ثبوت ملنے پر شہر میں  105 تجارتی مراکز سیل کردیے- 

سعودی خبررساں ادارے ایس پی اے کے مطابق میونسپلٹی کی تفتیشی ٹیموں نے 4394 چھاپے مارے تھے- اس دوران کورونا ایس او پیز کی خلاف ورزیاں ریکارڈ پر آئیں- 

میونسپلٹی نے بیان جاری کرکے کہا کہ تفتیشی ٹیموں نے 19 ذیلی بلدیاتی کونسلوں  اور 15 بڑی بلدیاتی کونسلوں میں تجارتی مراکز کے یہاں  174 خلاف ورزیاں ریکارڈ کیں- 

میونسپلٹی نے انتباہ دیا ہے کہ اس کی تفتیشی ٹیمیں کورونا وبا کو پھیلنے سے روکنے کے  لیے ایس او پیز پر عمل درآمد کی نگرانی جاری رکھیں گی-