گزشتہ چوبیس گھنٹوں کے دوران صحت پانے والے 267 افراد رہے- (فوٹو ایس پی اے)
سعودی وزارت صحت نے کہا ہے کہ نئے کورونا وائرس کے جمعرات کو 390 نئے مریض ریکارڈ پر آئے ہیں- اسی طرح شفایاب ہونے والے مریضوں کی تعداد 267 رہی- کووڈ سے وفات پانے والوں کی تعداد 6 رہی-
اخبار 24، عاجل اور سبق ویب سائٹ کے مطابق وزارت صحت نے اعلامیہ جاری کرکے کہا ہے کہ کورونا کے جمعرات کو 390 نئے مریض سامنے آئے جس کے بعد کل تعداد 3 لاکھ 81 ہزار 348 ہوگئی ہے- صحت یاب ہونے والے 267 افراد کے بعد شفایاب ہونے والے افراد کی کل تعداد 3 لاکھ 71 ہزار 850 ہوگئی ہے۔
اسی طرح کورونا سے 6 اموات کے بعد کل تعداد 6551 تک جا پہنچی ہے-
جمعرات کو سب سے زیادہ کورونا کے مریض ریاض میں ریکارڈ کیے گئے- (فوٹو ایس پی اے)
وزارت صحت کے مطابق جمعرات کو ریاض میں 164، منطقہ شرقیہ میں 66، مکہ مکرمہ میں 48، حدود شمالیہ میں 30، مدینہ منورہ میں 29، قصیم میں 15، حائل میں 10، عسیر، الجوف، جازان میں 7، 7، نجران میں 3 جبکہ الباحہ اور تبوک میں 2، 2 کورونا کے نئے مریض سامنے آئے-
مملکت میں اس وقت ایکٹو کیسز کی تعداد 2947 ہے جبکہ انتہائی نازک صورتحال میں 538 مریض ہیں-
وزارت صحت نے ایک بار پھر کہا ہے کہ باہر نکلتے وقت ماسک و سماجی فاصلے کا اہتمام کریں- علاوہ ازیں صحتی ایپ کے ذریعے کورونا ویکسین لینے کا اہتمام کیا جائے-
واٹس ایپ پر سعودی عرب کیخبروں کے لیے”اردو نیوز“گروپ جوائن کریں
