ابہا ایرپورٹ پر پروازوں کی آمد ورفت متاثر نہیں ہوئی

سعودی عرب کے ابہا ایئر پورٹ  پرایران کے حمایت یافتہ حوثی دہشتگردوں کے ڈرون حملے کے باوجود پروازوں کی آمدورفت معمول کے مطابق جاری ہے۔ 

الاخباریہ چینل نے ایئرپورٹ سے پروازوں کی آمد ورفت اور مسافروں کی جانب سے سفری کارروائی معمول کے مطابق کیے جانے کے مناظر پر مشتمل وڈیو جاری کی ہے۔

عرب اتحاد برائے یمن نے منگل  کو ابہا ایئرپورٹ پر حوثیوں کے ایک اور بارودی ڈرون حملے کو ناکام بنا دیا تھا۔ ڈرون کو ہدف پر پہنچنے سے قبل ہی گرا کر تباہ  کردیا گیا تھا۔ ڈرون گرانے کے باعث ایئرپورٹ کے علاقے میں ملبے کے ٹکڑے پھیل گئے تھے۔ 

الاخباریہ چینل کی رپوٹ میں بتایا گیا کہ ابہا ایئر پورٹ پر پروازیں کسی رکاوٹ کے بغیر ایئرپورٹ سے آجا رہی ہیں ۔

ایئرپورٹ کے علاقے میں ڈرون کے ملبے کے کچھ ٹکڑے ادھر ادھر پڑے نظر آرہے  ہیں جن سے مسافروں کی آمدورفت متاثر نہیں ہوئی ہے۔