کورونا کے ایکٹیو کیسز کی تعداد دو ہزار111 ہے(فوٹو ایس پی اے، اے ایف پی)
سعودی عرب میں گذشتہ دنو ں سے کورونا کے نئے کیسز مسلسل 200 سے زیادہ سامنے آ رہے ہیں۔
سبق نیوز نے وزارت صحت کی جانب سے سنیچر کو جاری بیان کے حوالے سے بتایا ہے کہ’ گذشتہ 24 گھنٹے میں کورونا کے 255 نئے مریض سامنے آئے ہیں، جبکہ 266 افراد وائرس سے صحت یاب بھی ہوئے ہیں۔‘
وزرات صحت کے مطابق ’گذشتہ 24 گھنٹے کے دوران کورونا کے مزید چار مریض چل بسے۔ جس کے بعد اب تک مرنے والوں کی تعداد 6 ہزار 379 ہو گئی ہے۔‘
وزارت صحت کا کہنا ہے کہ ’مملکت میں کورونا کے ایکٹیوکیسز کی تعداد دو ہزار111 ہے، جن میں سے 371 کی حالت نازک ہے جو انتہائی نگہداشت کے یونٹس میں زیرعلاج ہیں۔‘
جاری اعداد وشمار کے مطابق سب سے زیادہ مریض ریاض ریجن میں سامنے آئے، جن کی تعداد 99 ہے جبکہ الشرقیہ ریجن میں 58 افراد میں وائرس کی تصدیق ہوئی ہے۔
مکہ مکرمہ ریجن میں کورونا کے 46 مریض سامنے آئے جبکہ عسیر ریجن میں مریضوں کی تعداد 12 رہی۔ القصیم ریجن میں 10 افراد میں کورونا وائرس کی تصدیق ہوئی ہے۔
مدینہ منورہ ریجن میں سات، حائل ریجن میں چھ ، الباحہ ریجن میں چار، الحدود الشمالیہ، تبوک اور جنران ریجن میں تین ، تین، الجوف اور جازان ریجن میں دو، دو مریضوں کی تصدیق ہوئی ہے۔
اب تک تین لاکھ 68 ہزار افراد میں کورونا کی تصدیق ہو چکی ہے(فوٹو ٹو:ئٹر)
اب تک تین لاکھ 68 ہزار 329 افراد میں کورونا وائرس کی تصدیق ہو چکی ہے جن میں سے تین لاکھ 59 ہزار 839 افراد شفایاب بھی ہوئے ہیں۔
وزارت صحت کا کہنا ہے کہ کورونا سے بچاؤ کے لیے مقررہ احتیاطی تدابیر پر عمل کرنا ضروری ہے، جن میں سماجی فاصلے کا اصول انتہائی اہم ہے۔
