امریکی اور برطانوی وزرائے خارجہ کا ایران کے رویے پر گفتگو

امریکہ کے وزیر خارجہ نے اپنے برطانوی ہم منصب کے ساتھ ایران کے ’غیر مستحکم رویے‘ پر تبادلہ خیال کیا ہے۔

برطانوی خبر رساں ادارے روئٹرز کے مطابق برطانیہ کے وزیر خارجہ ڈومینک راب نے بدھ کو امریکہ کے نئے وزیر خارجہ انتھونی بلنکن کے ساتھ بات چیت کی ہے۔

دونوں وزرائے خارجہ نے ایران کے ’غیر مستحکم رویے‘ سے نمٹنے سے متعلق بات کی ہے جبکہ چین پر زور دیا ہے کہ وہ بین الاقوامی کمیونٹی سے کیے گئے وعدے پورے کرے۔

برطانوی وزارت خارجہ کے ایک ترجمان کے مطابق ’انہوں نے مشترکہ ایجنڈے پر مل کر کام کرنے کے علاوہ دنیا میں جمہوری اقدار کو تقویت دینے اور دونوں ممالک کے عالمی اتحاد کو مضبوط بنانے پر تبادلہ خیال کیا۔‘