ہوٹل سے کیمرے اور بجلی کا سامان چوری کرنے والے گرفتار

مکہ مکرمہ کے ایک ہوٹل سے متعدد کیمرے، بجلی کا سامان اور کیبل چوری کرنے والے تین غیر ملکی گرفتار کر لیے گیے ہیں۔

سعودی پریس ایجنسی کے مطابق مکہ مکرمہ ریجن پولیس کے ترجمان میجر محمد الغامدی نے کہا ہے کہ ’گرفتار شدگان میں سے دو برمی اور ایک پاکستانی شہری ہے‘۔

’مذکورہ افراد نے چوری کا اقرار کیا ہے، ان کے ٹھکانے سے چوری ہونے والا سامان ضبط کرلیا گیا ہے‘۔

’مذکورہ افراد کی عمریں 30 اور 40 سال کے درمیان ہے، تفتیش مکمل کرنے کے بعد انہیں پبلک پراسیکیوشن کے حوالے کردیا جائے گا‘۔