جدہ کورنیش پر فیملیز میں ماسک تقسیم

سعودی عرب میں جدہ میونسپلٹی نے ساحل سمندر پر سیر کے لیے آنے والوں کو حفاظتی ماسک تقسیم کیے ہیں۔

میونسپلٹی کے اہلکاروں نے بچوں کو نئے کورونا وائرس (کووڈ 19) سے بچانے کے لیے  ماسک خود پہنائے۔ 

جدہ میونسپلٹی نے اپنے ٹوئٹراکاؤنٹ پر ماسک تقسیم کرتے ہوئے تصاویر بھی شئیر کی ہیں۔ 

جدہ میونسپلٹی نے مقامی شہریوں اور مقیم غیرملکیوں سے اپیل کی کہ وہ وائرس سے بچاؤ کے لیے مقرر ضوابط کی پابندی کریں۔

صحت حکام کے مشوروں پر عمل کریں اور معاشرے کے تمام افراد کی صحت و سلامتی کی خاطر ایس او پیز کا احترام کریں۔