'سعودی عرب میں بجلی کا نیا قانون صارفین کے حقوق یقینی بنائے گا'

سعودی عرب کے نائب وزیر توانائی برائے امورِ بجلی ناصر قاحتانی نے کہا ہے کہ سعودی عرب کے بجلی کے نئے قوانین کا مقصد صارفین کو بہتر خدمات فراہم کرنا اور ان کے حقوق کی حفاظت کرنا ہے، تاکہ ملک کے ترقیاتی اور معاشی اہداف پورے کیے جا سکیں۔

عرب نیوز کے مطابق نیا قانون ان اصلاحات کا حصہ ہے جن کا بجلی کی صنعت کے لیے اعلان کیا گیا تھا۔

انہوں نے سی این بی سی امریکہ کو بتایا کہ نئے قانون کا مقصد سعودی الیکٹرسٹی کمپنی کی کچھ مالی ذمہ داریاں پورا کرنا اور وژن 2030 کے اہداف مکمل کرنا ہے۔

یہ نیا قانون محفوظ اور قابل اعتماد بجلی کی فراہمی کو یقینی بنانا ہے۔

اس کا مقصد ٹرانسمیشن سیکٹر میں بڑے پیمانے پر سرمایہ کاری کرنا بھی ہے، تاکہ قابل تجدید توانائی کے ذرائع تک پہنچا جا سکے۔

29 دسمبر کو سعودی کابینہ نے بجلی کا نیا قانون اور پانی اور بجلی کے اختیار کا قانون منظور کیا تھا۔ کابینہ نے سٹیٹ پراپرٹیز جنرل اتھارٹی کا قانون بھی منظور کیا تھا۔

سعودی عرب کے مالی خبروں کے پورٹل آرگام کے ڈیٹا کے مطابق، کابینہ نے مملکت کی ڈیجیٹل معیشت کی پالیسی کی بھی توثیق کی تھی۔