مملکت میں کورونا کے 119 نئے کیسز

سعودی عرب میں کورونا کیسز میں نمایاں کمی ریکارڈ کی گئی ہے۔ گزشتہ 24 گھنٹے کے دوران مختلف ریجنز میں کورونا کے نئے کیسز کی تعداد 119 جبکہ صحتیاب ہونےوالے 174 رہے۔

وزارت صحت کی جانب سے ٹوئٹرپرجاری بیان میں کہا گیا ہے کہ نئے مریضوں کے سامنے آنے کے بعد اب تک مملکت میں کورونا کے مجموعی کیسز کی تعداد 3 لاکھ 62 ہزار339 تک پہنچ گئی ہے

 ایک ہی دن میں کورونا سے 11 افراد ہلاک ہوئے جس کے بعد اب تک اس مہلک مرض سے مجموعی ہلاکتوں کی تعداد 6 ہزار 196 تک پہنچ گئی ہے۔

جاری اعداد وشمار کے مطابق سب سے زیادہ مریض ریاض ریجن میں رہے جن کی تعداد 40 ہے جبکہ مشرقی ریجن میں 25 افراد میں کورونا وائرس کا ٹیسٹ پازیٹوآیا ہے۔

مکہ مکرمہ ریجن میں مریضوں کی تعداد 24 رہی جبکہ قصیم ریجن میں 9 اور مدینہ منورہ ریجن میں 6 افراد میں کورونا وائرس کی تصدیق ہوئی۔

عسیر ریجن میں 5 ، نجران ریجن میں 4 جبکہ تبوک اور الجوف ریجن میں 2 ، دو افراد میں کورونا وائرس کا ٹسیٹ مثبت آیا۔

حائل اور الباحہ ریجن میں صرف ایک ایک شخص میں کورونا وائرس کی تصدیق ہوئی۔

وزارت صحت کا کہنا ہے کہ مملکت کے مختلف ریجنز میں اس وقت 2 ہزار 790 افراد میں کورونا وائرس ایکیٹوہے جن میں سے 393 افراد کی حالت نازک ہے۔

اب تک اس مہلک وائرس سے 3 لاکھ 53 ہزار 353 افراد صحتیاب ہو چکے ہیں۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں