سعودی بحریہ نے سو ملین ڈالر کی میتھا فیٹامن ضبط کرلی

سعودی بحریہ نے ریکارڈ مقدار میں  نشہ آور میتھا فیٹامن  (کرسٹل میتھ)  ضبط کرلی- سو ملین ڈالر سے زیادہ مالیت کی ہے  بحریہ نے اپنی تاریخ میں اتنی بڑی مقدار میں کرسٹل میتھ ضبط نہیں کی تھی-  450 کلو گرام سے زیادہ میتھا فیٹامن (کرسٹل میتھ) پکڑ لی-

العربیہ نیٹ کے مطابق بحریہ فورس کے کمانڈر بریگیڈیئر سلیمان الفقیہ نے بتایا کہ بحریہ نے اپنی تاریخ میں اتنی بڑی کامیابی کبھی حاصل نہیں کی- مونٹروز جہاز آپریشن میں شامل رہا-

فورس کے ڈپٹی کمانڈر دین باسیت نے بتایا کہ اس آپریشن میں کئی ٹیموں نے حصہ لیا-  ایک  ٹیم ایسی بھی تھی جو سمندر میں پھنسے ہوئے لوگوں کو نکالنے میں مدد دیتی ہے-  مشترکہ فورس نے اس میں دہشتگردی، سمگلنگ اور قذاقی جیسی سرگرمیوں کے لیے سمندری ماحول سے ناجائز فائدہ اٹھانے  والے عناصر کی تلاش پر مامور ٹیم سے بھی تعاون لیا- بحریہ کی مشترکہ فورس نے تمام ٹیموں کے تعاون سے یہ آپریشن کرکے بڑی کامیابی حاصل کرلی-

یاد رہے کہ مشترکہ سمندری فورس بحر احمر، خلیج عدن، بحر عرب، خلیج عمان اور بحرہند میں 303 ملین میل کے دائرے  میں کام کررہی ہے- یہ منشیات اور اسلحہ کی سمگلنگ کے انسداد، جہاز رانی کی سلامتی اور بین الاقوامی تجارتی جہازوں  کے  لیے سمندری راستوں کی سلامتی پر مامور ہے-

خود کو اپ ڈیٹ رکھیں، واٹس ایپ گروپ جوائن کریں