سونے کی قیمتوں میں دوسرے دن بھی کمی 

سعودی مارکیٹ میں جمعے بھی سونے کے نرخوں میں کمی ریکارڈ کی گئی ہے۔

عاجل ویب سائٹ کے مطابق جمعے کو 24 قیراط ایک گرام سونے کی قیمت 223.41 ریال ہوگئی جبکہ جمعرات کو 226.18 ریال تھی۔ 

مملکت میں 21 قیراط سونے کی مانگ دیگر کے مقابلے میں زیادہ ہے۔21 قیراط ایک گرام کی قیمت جمعے کو  195.48 ریال رہی جبکہ جمعرات کو اس کی قیمت  197.91 ریال تھی۔ 

سعودی عرب میں  18 قیراط سونے کی قیمت بھی کم ہوئی ہے۔ جمعرات کو 169.64 ریال  تھی ۔ جمعے کو کم ہو کر اس کی قیمت 167.56 ریال ہوگئی۔ 

ایک اونس سونے کی قیمت  6948.75 ریال ہوگئی جبکہ جمعرات کو  7035 ریال تھی۔ 

سونے کی گنی (8 گرام 21 قیراط) کی قیمت جمعرات کو 1583.27 ریال تھی جو جمعہ کو گھٹ کر 1563.86 ریال ہوگئی ہے۔ 

عالمی منڈی میں بھی جمعے کو  سونے کے نرخ 2 ماہ کے مقابلے میں  کم ہوئے ہیں۔