Sorry, you need to enable JavaScript to visit this website.
اتوار ، 15 جون ، 2025 | Sunday , June   15, 2025
اتوار ، 15 جون ، 2025 | Sunday , June   15, 2025

سعودی ائیر فورس نے  یمنی شہریوں کو سقطری جزیرے پہنچا دیا

علاج کی مکمل سہولتیں مہیا کرنے کے بعد واپس بھیجا گیا ہے۔(فوٹو سبق)
حوثیوں کی فائرنگ سے متاثرہ اور زخمی یمنی شہریوں کوعلاج معالجے کی سہولت مہیا کرنے کے بعد سعودی رائل ائیرفورس کے طیارے C-130 کے ذریعے یمن کے سقطری جزیرے تک پہنچا دیا گیا ہے۔
سبق ویب  نیوز کے مطابق متاثرہ  یمنی خاندانوں کو علاج معالجے کے لیے سعودی عرب کے دارالحکومت ریاض اور جازان کے ہسپتالوں میں لایا گیا تھا۔

زخمیوں کو ریاض اور جازان کے ہسپتالوں میں لایا گیا تھا۔(فوٹو سبق)

ان متاثرین میں خواتین اور بچوں سمیت 18 افراد  شامل ہیں اور  انہیں جازان سے سقطری جزیرے تک واپسی کے لیے مفت فضائی سہولت مہیا کی گئی ہے۔
اتحادی فوج  نے سقطری جزیرے سے جازان کے لیے یہ فضائی سروس یمن کے عوام کے لیے انسان دوست کردار ادا کرتے ہوئے مہیا کی ہے۔

ان متاثرین میں خواتین اور بچوں سمیت 18 افراد  شامل ہیں۔(فوٹو سبق)

یہ اس سلسلے کی چھٹی پرواز ہے جو یمنی شہریوں کو علاج کی مکمل سہولتیں مہیا کرنے کے بعد واپس یمن لے کر گئی ہے۔
اس سے قبل اتحادی افواج کی قیادت نے  انسانی ہمدردی کی  بنیادوں پر یمنی شہریوں کو مختلف علاقوں سے سفری سہولتیں مہیا کیں ہیں جس میں  سقطری جزیرے  سے 162 طلبہ کو عارضی دارالحکومت عدن منتقل کیا تھا۔
 

شیئر: