بغیر لائسنس پلاسٹک سرجری کرنے پر ڈاکٹر معطل

سعودی وزیر صحت ڈاکٹر توفیق الربیعہ نے بلا لائسنس پلاسٹک سرجری کرنے اور سپیشلائزیشن سے ہٹ کر کام کرنے پر جلدی امراض کے ڈاکٹر کو معطل کیا ہے۔

سبق ویب سائٹ کے مطابق وزارت صحت نے طبی عملے کو تنبیہ کی کہ کوئی بھی ڈاکٹر اپنے دائرہ کار سے تجاوز نہ کرے۔ قانون صحت کی دفعہ  9 کی شق بی کی پابندی کریں۔ جس میں یہ تاکید کی گئی ہے کہ کسی بھی ڈاکٹر کو اپنے دائرہ کار سے انحراف کی اجازت نہیں۔ جس کی جو سپیشلٹی ہو وہ اس کی پابندی  کرے۔ اس کی خلاف ورزی پر جرمانے، لائسنس کی ضبطی اور قید کی سزائیں مقرر ہیں۔ 

یاد رہے کہ قانون مذکور کی دفعہ 9 کی شق بی میں واضح کیا گیا ہے کہ کوئی بھی صحت اہلکار اپنے دائرہ کار سے انحراف کا مجاز نہیں ہے۔