روس کے نائب وزیر توانائی گرفتار
تخانوو وزارت توانائی میں ڈیجیٹل پراجیکٹس کو دیکھتے تھے۔ (فائل فوٹو: اے ایف پی)
روس میں تفتیشی حکام نے توانائی کے ڈپٹی وزیر کو فراڈ کے الزامات پر گرفتار کر لیا ہے۔
خبر رساں ادارے روئٹرز کے مطابق تفتیشی حکام نے ڈپٹی وزیر برائے توانائی اناتولی تخانوو کو حراست میں لے لیا۔
تاس نیوز ایجنسی کے مطابق ڈپٹی وزیر کو تفتیشی حکام نے وزارت میں تلاشی کے بعد گرفتار کیا۔
تخانوو وزارت میں ڈیجیٹل پراجیکٹس کو دیکھتے تھے۔
ڈپٹی وزیر تخانوو روس کے وزیر توانائی الیگزینڈر نواک کے آٹھ نائبین میں سے ایک ہیں۔
تخانوو کی گرفتاری کے حوالے سے وزارت توانائی نے روئٹرز کے سوال کا جواب نہیں دیا۔
