یورپی یونین کا ترکی پر پابندیاں لگانے پر غور

یونان کے ساتھ مشرقی بحیرہ روم کے تنارع کے پر یورپی یونین ترکی کے خلاف پابندیوں کی تیاری کر رہی ہے جن پر بلاک کے ستمبر 24 کو ہونے والے اجلاس میں تبادلہ خیال کیا جائے گا۔

برطانوی خبر رساں ادارے روئٹرز کے مطابق یہ بات یورپی یونین کے اعلیٰ سفارتکار نے جمعے کو بتائی۔

یورپی یونین کے سفارتکار جوزف بوریل کا کہنا تھا کہ ان اقدامات میں یورپی یونین ہر اس پہلو پر غور کرے گی جس کا تعلق ان سرگرمیوں سے ہوگا جسے یورپی یونین 'غیرقانونی سمجھتی ہے۔‘

انہوں نے مزید کہا کہ ان میں افراد،  بحری جہاز یا یورپی بندرگاہوں کے استعمال پر پابندی شامل ہوسکتا ہے۔

ترکی کے مشرقی بحیرہ روم کے پانی میں جہاز بھیجے جانے کے بعد ترکی اور یونان کے درمیان کشیدگی بڑھی ہے۔

ترکی کے اس اقدام کو یونان نے غیرقانونی قرار دیا ہے۔