متاثرین کی تعداد بڑھ کر 3 لاکھ 13 ہزار 924 تک پہنچ گئی ہے۔(فوٹو عاجل)
سعودی عرب میں کورونا کیسز میں نمایاں کمی کا سلسلہ جاری ہے۔ جمعہ 28 اگست کو کورونا کے ایک ہزار 69 نئے کیسز کی تصدیق ہوئی ہے۔
گزشتہ روزایک ہزار 19 نئے مریض سامنے آنے تھے۔ متاثرین کی تعداد بڑھ کر 3 لاکھ 13 ہزار 924 تک پہنچ گئی ہے۔
وزارت صحت کے مطابق پچھلے 24 گھنٹے میں ایک ہزار 148 افراد صحتیاب ہوئے۔اب تک دو لاکھ 87 ہزار 403 افراد اس مرض سے شفایاب ہو چکے ہیں۔
اس وقت ایکٹیو کیسز کی تعداد 21 ہزار 708 ہے(فوٹو روئٹرز)
وزارت صحت کا کہنا ہے کہ گزشتہ روز 28 افراد اس مرض سے ہلاک ہوئے. اموات کی مجموعی تعداد تین ہزار 813 ہو چکی ہے۔
مملکت میں اس وقت ایکٹیو کیسز کی تعداد 21 ہزار 708 ہے جس میں ایک ہزار 576 مریض انتہائی نگہداشت یونٹ میں زیرعلاج ہیں۔
سبق نیوز نے وزارت صحت کی جانب سے جاری اعداد وشمار کے حوالے سے بتایا کہ مختلف شہروں میں گزشتہ 24 گھنٹے کے دوران کورونا وائرس کے نئے کیسز کی سب سے زیادہ تعداد جمعے کو مدینہ منورہ میں رہی جہاں61 نئے مریض سامنے آنے ہیں۔
ریاض میں 61، جازان 59، حائل 48، جدہ 48، مکہ مکرمہ 43، ظہران 38، بریدہ 32، ابو عریش 32، بیشہ 29، الھفوف 27، صیبا 27، تبوک 26، خمیس مشیط 25، دمام 24، ابہا 22، المبرز 20 اور بیش میں 20 کیسز کا پتہ چلا ہے۔
گھر سے باہر جاتے وقت ماسک لازمی طور پر استعمال کریں۔(فوٹو ایس پی اے)
اعداد وشمار کے مطابق 19 شہروں میں مریضوں کی تعداد ایک ، ایک، 17 شہروں میں 2 ، 2 اور 12 شہروں میں 3 ،3 جبکہ 9 شہروں میں 4،4 افراد میں کورونا وائرس کی تصدیق ہوئی ہے۔
وزارت صحت کا کہنا ہے کہ کورونا وائرس سے بچاؤ کے لیے سماجی فاصلے کے اصول پر عمل کیا جائے۔ گھر سے باہر جاتے وقت ماسک لازمی طور پر استعمال کریں۔
ترجمان کا کہنا ہے کہ کورونا کیسز میں کمی کی وجہ یہ ہے کہ مقامی شہری اور مقیم غیرملکیوں میں نئے کورونا وائرس سے بچاؤ کے لیے مقرر حفاظتی تدابیر کی پابندی نے اضافہ ہوا ہے۔ زیادہ تر لوگ حفاظتی ماسک پہننے اور سماجی فاصلے کی پابندی کررہے ہیں- مملکت کے دیگر ادارے خصوصا وزارت صحت وائرس کو قابو کرنے کے لیے مصروف ہیں۔
