قصیم میں شاہراہ پر ساھر کیمرہ توڑنے والا گرفتار
سی سی کیمرے کی مدد سے ملزم کو شناخت کے بعد پکڑا گیا( فوٹو اخبار 24)
سعودی عرب میں قصیم پولیس نے ا یک شاہراہ پر نصب ساھر کیمرہ توڑنے والے مقامی شہری کو گرفتار کیا ہے۔
اخبار 24 کے مطابق ساھر کیمرہ شاہراہوں پر مقررہ سے زیادہ رفتار سے گاڑی چلانے والوں کو پکڑنے کے لیے لگایا جاتا ہے جو لوگ شاہراہوں پر حد رفتار سے زیادہ گاڑی چلاتے ہیں وہ شاہراہوں پر نصب ساھر کیمروں سے پریشان ہیں۔
قصیم پولیس کے ترجمان بدر السحیبانی نے بتایا کہ پولیس نے ساھر کیمرے میں توڑ پھوڑ کرنے والے شخص کو شناخت کے بعد گرفتارکرلیا۔ ملزم سعودی اور عمر کے تیسرے عشرے میں ہے۔
ترجمان نے بتایا کہ مقامی شہری کی شناخت سیکیورٹی کے سی سی کیمرے کی مدد سے ممکن ہوسکی ہے۔
