پاکستان میں کورونا کے 13 ہزار 633 مریض، مزید 15 اموات

پاکستان میں کورونا وائرس کے ایکٹیو مریضوں کی تعداد 13 ہزار 633 رہ گئی ہے جبکہ 2 لاکھ 70 ہزار سے زائد افراد صحت یاب ہو چکے ہیں۔

ملک میں مجموعی طور پر اب تک 2 لاکھ 89 ہزار 831 افراد کورونا وائرس کی وبا سے متاثر ہوئے ہیں۔

منگل کو نیشنل کمانڈ اینڈ آپریشن سینٹر کی جانب سے جاری ہونے والے اعداد و شمار کے مطابق گذشتہ 24 گھنٹوں کے دوران ملک میں وائرس کے 617 نئے کیسز سامنے آئے ہیں۔

گذشتہ 24 گھنٹوں کے دوران ملک بھر میں 17 ہزار 612 ٹیسٹ کیے گئے ہیں جبکہ ملک میں مجموعی طور پر 23 لاکھ 17 ہزار 213 ٹیسٹ ہو چکے ہیں۔

پاکستان میں کورونا وائرس کے 759 مریضوں کی حالت تشویشناک بتائی جا رہی ہے۔

پاکستان میں گذشتہ 24 گھنٹوں کے دوران مزید 15 اموات ہوئی ہیں جبکہ مجموعی طور پر 6 ہزار 190 افراد جان سے ہاتھ دھو بیٹھے ہیں۔

صوبہ سندھ میں کورونا وائرس کے سب سے زیادہ کیسز سامنے آئے ہیں جن کی تعداد ایک لاکھ 26 ہزار 425 ہے جبکہ 2 ہزار 331 افراد ہلاک ہوئے ہیں۔

پنجاب میں وبا سے 95 ہزار 611 افراد متاثر ہوئے ہیں جبکہ 2 ہزار 185 اموات ہوئی ہیں۔

خیبر پختونخوا میں کورونا وائرس کے متاثرین کی تعداد 35 ہزار 337 ہے جبکہ صوبے میں وبا سے ایک ہزار 239 افراد کی جان چلی گئی۔  

وفاقی دارالحکومت اسلام آباد میں 15 ہزار 401 مریضوں کی تشخیص ہوئی ہے جبکہ 175 افراد جان سے ہاتھ دھو بیٹھے ہیں۔

صوبہ بلوچستان میں 12 ہزار 321 افراد کورونا وائرس سے متاثر ہوئے جبکہ وبا نے 138 افراد کی جان لے لی۔

گلگت بلتستان میں 2 ہزار 538 افراد میں وبا کی تشخیص ہوئی ہے جبکہ علاقے میں 138 اموات ریکارڈ کی گئی ہیں۔

پاکستان کے زیرانتظام کشمیر میں 2 ہزار 199 افراد کورونا سے متاثر ہوئے ہیں جبکہ 61 ہلاکتیں ہوئی ہیں۔