گیارہ ستمبر سے متعلق امریکی فیصلہ خدشات کو جنم دے رہا ہے کویت

کویتی حکومت نے خدشہ ظاہر کیا ہے کہ اگر امریکہ میں 11 ستمبر کے متاثرین کے اہل خانہ کی جانب سے سعودی عرب کے خلاف مقدمہ دائر کرنے کی بابت قرارداد منظور کی گئی تو اس سے کشےدگی کو ہوا ملے گی ۔کویتی میڈیا کے مطابق ،محکمہ خارجہ کے ایک عہدے دار نے بتایا کہ یہ قرارداد عالمی قوانین کے بنیادی اصولوں کے خلاف ہوگی جس کی منظوری امریکہ سمیت پوری دنیا پر منفی اثرات مرتب کرےگی لہٰذا امید ہے کہ امریکی حکومت اس قرارداد کو مسترد کر دےگی۔ واضح رہے کہ امریکی ایوان نمائندگان میں ایک قرارداد قبول کی گئی جس کا مقصد 11 ستمبر کے متاثرین کو سعودی عرب کے خلاف مقدمہ دائر کرنے کا حق دینے سمیت دہشت گردی کے خلاف آواز اٹھانے کا پابند بنایا جائے گا۔قرارداد کو ویٹو کرنے کےلئے صدر اوباما کو دس دن کی مہلت دی گئی ہے اور اگر اس مہلت میں صدر اوباما نے قانون پر دستخط نہیں کیے تو یہ قرارداد خود بخود نافذ العمل بن جائے گی۔