پولیس اہلکار بن کر غیرملکی ورکرز کو لوٹنے والا گرفتار 

سعودی عرب میں مکہ مکرمہ پولیس نے تین غیرملکیوں کو پولیس کے بھیس میں لوٹنے والے سعودی شہری کو گرفتارکیا ہے۔

اخبار 24 کے مطابق مقامی شہری نے پولیس کے بھیس میں تین وارداتیں کرکے غیرملکیوں سے نقدی اور قیمتی اشیا چھین لی تھیں۔

مکہ مکرمہ پولیس کے ترجمان محمد الغامدی نے بتایا کہ سیکیورٹی فورس نے لوٹ مار کی وارداتیں کرنے والے سعودی شہری کو گرفتار کیا ہے- ملزم غیرملکی ورکرز کو مختلف مقامات پر روکتا، تلاشی لیتا، انہیں ڈراتا دھمکاتا اور ان کے قبضے سے رقم لے کر فرار ہوجاتا تھا- 

الغامدی نے بتایا کہ مقامی شہری کے خلاف ایف آئی آر درج کرلی گئی ہے جبکہ قانونی کارروائی کے لیے اسے جلد پبلک پراسیکیوشن کی تحویل میں دیا جائے گا-