کورونا: دو ہزار کے قریب نئے مریض، 30 ہلاک

سعودی عرب میں اتوار کو کورونا وائرس کے ایک ہزار 968 نئے کیسز کی تصدیق ہوئی ہے۔

سبق ویب سائٹ کے مطابق سعودی عرب میں کورونا وائرس کے مریضوں کی مجموعی تعداد 26 لاکھ چھ ہزار 941 ہوگئی ہے۔

وزارت صحت نے کہا ہے کہ ’پچھلے چوبیس گھنٹے میں دو ہزار 541 مریض شفایاب ہوئے ہیں جس کے بعد صحت یاب ہونے والے مریضوں کی تعداد بڑھ کر 220323 ہوگئی ہے۔'

کورونا وائرس سے مزید 30 افراد ہلاک ہوگئے ہیں اور مجموعی ہلاکتوں کی تعداد دو ہزار 733 ہوگئی ہے۔‘

مملکت میں اس وقت ایکٹیو کیسز 43 ہزار 885 ہیں ۔ ان میں 2 ہزار 733 انتہائی نگہداشت کے یونٹ میں زیرعلاج ہیں۔

وزارت صحت کی جانب سے جاری اعداد وشمار کے مطابق اتوار کو الھفوف میں سب سے زیادہ 208 کیسز شامنے آئے ہیں ۔

ریاض میں 126، المبرز 86 ، دمام 64 ، طائف 195، بریدہ 77 ، مدینہ منورہ 59 ، خمیس مشیط 25 ، جازان 38 ، جدہ 41 ، ابھا 27 ، حفر الباطن 90  اور الخبر میں 20 نئے مریض ہیں۔

مملکت کے 22 شہروں میں ایک ایک، 15 شہروں میں دو دو، 8 شہرو ں میں تین تین، 6 شہروں میں چار ، چار اور 10 شہروں میں پانچ ، پانچ افراد میں کووڈ 19 کا ٹیسٹ مثبت آیا ہے۔

وزارت صحت کا کہنا ہے کہ کورونا سے بچاؤ کے لیے احتیاطی تدابیر پر سختی سے عمل کیا جائے۔ سماجی فاصلے کے دوری کے اصول کو کسی بھی حالت میں فراموش نہ کریں کیونکہ کورونا سے بچاؤ کے لیے یہ انتہائی اہم ضابطہ ہے جس پر عمل کرکے اس مرض سے محفوظ رہا جاسکتا ہے۔