شاہ سلمان سے مصری صدر کا رابطہ

خادم حرمین شریفین شاہ سلمان بن عبدالعزیز سے منگل کو مصری صدر عبدالفتاح السیسی نے ٹیلیفونک رابطہ کیا ہے۔

مصری صدر نے امید ظاہر کی کہ شاہ سلمان تیزی سے صحت یاب ہوں گے ۔انہوں نے ان کی صحت و عافیت کے لیے دعا کی۔

سعودی خبررساں ادارے ایس پی اے کے مطابق شاہ سلمان نے ٹیلیفونک رابطے اور برادرانہ جذبات کے اظہار پر مصری صدر عبدالفتاح السیسی کا شکریہ  ادا کیا۔

اس سے قبل امیر کویت ، بحرینی فرمانروا اور اردن کے شاہ عبداللہ ثانی بھی مزاج پرسی کے لیے شاہ سلمان سے ٹیلیفونک رابطے کرچکے ہیں۔