آمدنی سے زیادہ بیلنس پر بینک اکاؤنٹ فریز ہوگا؟

آمدنی سے زیادہ بیلنس اور مالی لین دین کرنے والے تارکین کے بینک اکاؤنٹ فریز نہیں ہوں گے۔ اس حوالے سے جو خبریں گردش کر رہی ہیں وہ بے بنیاد ہیں۔

سبق ویب سائٹ کے مطابق سعودی مالیاتی اتھارٹی (ساما) نے کہا ہے کہ ’گزشتہ دنوں سے سوشل میڈیا پر افواہ پھیل رہی ہے کہ بینکوں کو ہدایت کی گئی ہے کہ جن غیر ملکیوں کا بینک بیلنس یا مالی معاملات آمدنی سے زیادہ ہوں ان کے کھاتے منجمد کیے جائیں‘۔

ساما نے واضح کیا ہے کہ ’ایسی کوئی ہدایت بینکوں کو نہیں دی گئی، سوشل میڈیا پر پھیلائی جانے والی اس خبر میں کوئی صداقت نہیں‘۔

’سعودی عرب کے تمام بینکوں کے پاس کھاتہ داروں کے حوالے سے طے شدہ ضابطے پہلے سے مقرر ہیں جن کے مطابق عمل کیا جاتا ہے‘۔

’اس ضمن میں بینک متعلقہ کیسز میں ضوابط پر عمل کرتے ہوئے اپنے کھاتہ داروں کے ساتھ معاملہ کرتے ہیں‘۔

• واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں