’اس وقت ہسپتالوں میں 41849 مریض زیر علاج ہیں جبکہ 1855 مریضوں کی حالت نازک ہے‘۔
اتوار 14 جون کو وزارت صحت کی جانب سے جاری اعداد وشمار کے مطابق کورونا وائرس سے متاثرہ مریضوں کی سب سے زیادہ تعداد ریاض میں رہی جہاں ایک ہزار735 افراد میں کووڈ 19 پازیٹو پایا گیا جبکہ جدہ میں 352، مکہ مکرمہ میں 314، دمام 161، مدینہ منورہ 158، الھفوف 147، قطیف 144 ، الخبر 137، طائف 74، خمیس مشیط 63، الخرج 54،ابھا 53 اورنجران میں 53 افراد میں کورونا وائرس کی تصدیق ہوئی ہے۔
ترجمان نے کہا کہ ریاض میں اتوار کو سامنے آنے والے نئے مریض پچھلے چوبیس گھنٹے میں مصدقہ کیسز کا چالیس فیصد ہے۔
وزارت صحت کا کہنا ہے کہ ریاض اور دیگر شہروں میں کورونا کے زیادہ کیسز نوجوانوں میں رپورٹ ہوئے ہیں جو احتیاطی تدابیر پر عمل نہیں کر رہے۔
دریں اثنا سعودی وزارت صحت کی جانب سے آگاہی پیغام کے حوالے سے نئی مہم شروع کی گئی ہے جسے ’ہمیں آپ کا خیال ہے‘ کا عنوان دیا گیا ہے۔
وزارت صحت کی جانب سے آگاہی پیغام کے حوالے سے نئی مہم شروع کی گئی ہے(فوٹو عاجل)
مہم کے تحت وزارت کی جانب سے کورونا کے نئے مریضوں کے اعداد وشمار ظاہر نہیں کیے جائیں گے اس کے بجائے اہم معلومات دیتے ہوئے کورونا سے محفوظ رہنے اور دوسروں کو محفوظ رکھنے کی ہدایات و احتیاطی تدابیر اختیار کرنے پر زور دیاجائے گا۔
اس ضمن میں وزارت صحت نے آگاہی پروگرام اور کورونا کے مریضوں کے بارے میں معلومات کےلیے ویب سائٹ بھی مخصوص کی ہے۔
آگاہی مہم کے تحت معاشرے میں صحت اور سلامتی کے اصولوں کو بیان کرتے ہوئے احتیاطی تدابیر جن میں ہاتھوں کو مسلسل دھونا اور غیر ضروری طور پر گھر سے باہر نہ جانے کی ہدایت کی جائے گی تاکہ کورونا وائرس سے خود اور آپکے اہل خانہ محفوظ رہ سکیں۔
کورونا کے حوالے سے پریس کانفرنس ہفتے میں تین دنNode ID: 485171
