پاکستان کے احتساب کے ادارے نیب نے اپوزیشن لیڈر شہباز شریف کو گرفتار کرنے کے لیے لاہور میں ان کی رہائش گاہ پر چھاپہ مارا یے۔
نیب کی ٹیم پولیس کی بھاری نفری کے ہمراہ ان کی رہائش گاہ ماڈل ٹاؤن پہنچی۔ مسلم لیگ ن کے راہنما عطااللہ تارڑ کے مطابق نیب کو بتایا گیا کہ شہباز شریف گھر پر نہیں ہیں۔
واقعے کی مختلف تصاویر اور ویڈیوز میں بھی دیکھا جا سکتا ہے کہ پولیس اہلکار شہباز شریف کی رہائش گاہ کے دروازے پر موجود ملازمین سے گھر کے اندر جانے کے لیے گیٹ کھولنے کا کہہ رہے ہیں۔
مزید پڑھیں
-
’ووٹ کو عزت دو‘ اور شہباز کا کوٹ پینٹNode ID: 456021
-
شہباز شریف کا برطانوی اخبار کے خلاف مقدمہNode ID: 456121
-
نواز شریف اور زرداری ’سرکاری گاڑیاں لینے‘ پر عدالت طلبNode ID: 481556
اسی دوران مسلم لیگ ن کے قائدین جن میں پنجاب کے صدر رانا ثناء اللہ بھی شامل تھے، کارکنوں کے ہمراہ پہنچ گئے۔
ترجمان مسلم لیگ ن مریم اورنگزیب نے میڈیا سے گفتگو کرتے ہوئے کہا کہ 'ن لیگ نیب اور نیازی گٹھ جوڑ کو تسلیم نہیں کرتی شہباز شریف کی گرفتاری سیاسی انتقام سے تعبیر کی جائے گی۔'
نیب کی ٹیم شہباز شریف کے گھر داخل ہوئی اور تقریبا ڈیڑھ گھنٹے کے بعد واپس روانہ ہو گئی۔
مسلم لیگ ن کے رہنما رانا ثناء اللہ کے مطابق شہباز شریف گھر پر موجود نہیں تھے اور یہ بات نیب ٹیم کو بتا دی گئی تھی۔
