احتیاطی تدابیر کی خلاف ورزی پر جرمانہ

متحدہ عرب امارات کی کابینہ نے  نئے کورونا وائرس کے پھیلاؤ کو روکنے کے لیے حفاظتی تدابیر کی خلاف ورزی کرنے پر پچاس ہزار درہم تک کا جرمانہ مقرر کردیا-

الامارات الیوم کے مطابق کابینہ نے حفاظتی تدابیر کی خلاف ورزیوں کی ابتدائی فہرست بھی جاری کی ہے-

 کسی بھی مقیم غیر ملکی یا اماراتی شہری کو حفاظتی تدابیر کی خلاف ورزی پر کم از کم پانچ سو اور زیادہ سے زیادہ پچاس ہزار درہم کا جرمانہ ہوگا- دوسری بار خلاف ورزی پر جرمانہ دگنا کردیا جائے گا۔

تیسری بار خلاف ورزی پر معاملہ پبلک پراسیکیوشن کے حوالے ہوگا جہاں اس کے خلاف فوجی عدالت کی کارروائی ہوگی-

جرمانہ قرنطینہ ضوابط کی خلاف ورزی، متاثرین سے ملنے ملانے کے علاوہ اسی طرح کی دیگر تمام خلاف ورزیوں پر ہوگا-

وزارت داخلہ، پولیس افسران  و اہلکار سرکاری اداروں میں عدالتی نظام نافذ کرنے والے مقیم غیرملکیوں اور اماراتیوں پر اس حوالے سے مسلسل نظر رکھیں گے-

خود کو اپ ڈیٹ رکھیں، واٹس ایپ گروپ جوائن کریں