جی 20 کا اجلاس 26 مارچ کو ہوگا
جی 20 ممالک کے ہنگامی اجلاس میں کورونا کے انسداد کے لیے تدابیر پر غور ہوگا ( فوٹو: اے ایف ہی)
سعودی فرمانروا شاہ سلمان بن عبد العزیز کی سربراہی میں جی 20 ممالک کی سربراہ کانفرنس 26 مارچ کو منعقد ہوگی۔
آن لائن کانفرنس میں جی 20 ممالک کے سربراہان کورونا وائرس کے انسداد کے لیے مشترکہ کوششوں کی نئی راہوں پر غور کریں گے۔
سعودی نیوز ایجنسی (واس) کے مطابق آن لائن کانفرنس کا انعقاد جمعرات 26 مارچ کو ہوگا۔
جی 20 بورڈ کا کہنا ہے کہ ’کانفرنس میں ارکان ممالک کے علاوہ مختلف ممالک کے سربراہان کو بھی شرکت کی دعوت دی جائے گی۔‘
’کانفرنس میں اقوام متحدہ، عالمی ادارہ صحت، عالمی مالیاتی فنڈ اور دیگر عالمی تنظیموں کے نمائندے بھی شریک ہوں گے۔‘
بورڈ کے مطابق ہنگامی اجلاس میں شرکا کورونا وائرس کے انسداد کے لیے ممکنہ تدابیر پر غور کرنے کےعلاوہ عالمی وبا کی روک تھام کے لیے ایک دوسرے کی مدد کا جائزہ لیں گے۔
سعودی عرب کو جی 20 کی سربراہی مل گئیNode ID: 444801
سعودی عرب کی آن لائن جی 20 کانفرنس کی دعوتNode ID: 465536
