سعودی ایئر لائن نے گوانگ کے لیے پروازیں معطل کردیں

سعودی ایئرلائن نے چین کے شہر گوانگ کے لیے اپنی پروازیں معطل کرنے کا اعلان کیا ہے۔

ریاض اور جدہ سے گوانگ جانے یا وہاں سے آنے والی تمام پروازیں آج اتوار سے منسوخ کردیں گئی ہیں۔

• باخبر رہیں، واٹس ایپ گروپ جوائن کریں

سبق ویب سائٹ کے مطابق سعودی ایئر لائن کے رابطہ سینٹر نے کہا ہے کہ ’وہ تمام مسافر جن کے پاس گوانگ کی ٹکٹیں ہیں وہ انہیں واپس کرکے قیمت وصول کرسکتے ہیں‘۔

سعودی ایئرلان نے کہا ہے کہ ’گوانگ کے لیے تا ہدایت ثانی تمام پروازیں معطل کردی گئیں ہیں‘۔

دوسری طرف سعودی ایئرلائن کے ذریعہ ووہان میں پھنسے سعودی طلبہ کا انخلا ہوا ہے۔ طلبہ کو لانے والا طیارہ ریاض پہنچے گا۔

سعودی سرکاری ٹی وی پر کہا گیا ہے کہ ووہان میں پھنسے ہوئے 10 سعودی طلبہ کو وہاں سے نکال لیا گیا ہے۔

ٹی وی نے کہا ہے کہ ’چینی حکام نے سعودی طلبہ کو لانے کے لیے وبا زدہ علاقے میں خصوصی پرواز چلانے کی منظوری دی تھی‘۔

واضح رہے کہ سعودی عرب میں ابھی تک کرونا وائرس کا کوئی کیس ریکارڈ میں نہیں آیا ۔