اسلام آباد... وزیر خارجہ شاہ محمود قریشی کو نیوزی لینڈ کے ہم منصب نے ٹیلی فون کرکے کرائسٹ چرچ میں دہشتگردی کے واقعہ میں متاثرہ پاکستانی خاندانوں سے اظہار ہمدردی کیاہے۔شاہ محمود نے اس موقع پر کہاکہ دہشت گردی کی لعنت نیوزی لینڈ جیسے پر امن ملک تک پھیل گئی کیونکہ دہشت گردی کا کوئی مذہب اور سرحد نہیں ہوتی۔ نیوزی لینڈ میں دہشت گردی کا بزدلانہ واقعہ قابل مذمت ہے۔ شاہ محمود نے کہا کہ پاکستان کا بیانیہ درست ثابت ہوا کہ دہشت گردی عالمی مسئلہ ہے ۔ پاکستان خود دہشت گردی کا نشانہ بنا ہے ۔ دہشت گردی کے واقعات میں70 ہزار سے زائد بے گناہ جا نیں ضائع ہو ئیں، دہشت گردی کو کسی مذہب سے نہیں جوڑنا چا ہئیے۔
