معتمرین میں کوئی بھی کرونا کا مریض نہیں

مکہ مکرمہ۔۔۔ یہاں محکمہ صحت کے ڈائریکٹر جنرل ڈاکٹر وائل بن حمزہ نے بتایا ہے کہ عمرہ ادا کرنے والوں میں کوئی بھی کرونا کا مریض نہیں۔ بیرون مملکت سے عمرہ کیلئے سعودی عرب آنے والے تما م معتمر کرونا کے وائرس سے پاک ہیں۔ انہوں نے المدینہ اخبار سے گفتگو میں کہا کہ مکہ مکرمہ کے حکام کرونا وائرس سے بچاﺅ کے اقدامات کئے ہوئے ہیں۔ یہاں کے اسپتال اور ہیلتھ سینٹرز 24 گھنٹے زائرین کو صحت خدمات فراہم کرنے کیلئے کھلے ہوئے ہیں۔