ویوو وی 15 پرو اسمارٹ فون کی تفصیلات لیک
ویوو کمپنی کے اسمارٹ فون وی 15 پرو کی تفصیلات سامنے آ گئی ہیں۔ یہ پہلا اسمارٹ فون ہو گا جس میں اسنیپ ڈریگن 675 پروسیسر دیا جائے گا۔ فون میں امولڈ ڈسپلے دیا جائے گا اور انڈر ڈسپلے فنگرپرنٹ ٹیکنالوجی کو بھی فون کا حصہ بنایا جائے گا۔ فون کو 4 جی بی ریم کے ساتھ 128 جی بی اسٹوریج کے آپشن میں متعارف کرائے جانے کا امکان ہے۔ اسمارٹ فون کی پشت پر ٹرپل کیمرہ سیٹ اپ دیا جائے گا جس میں 48 میگا پکسل کا پرائمری سنسر شامل ہو گا۔ فون کو 20 فروری کو لانچ کیا جائے گا اور اس کی ممکنہ قیمت 350 ڈالر تک ہو گی۔
