عمران خان سے گورنر پنجاب اور وزیر اعلی کی ملاقات
لاہور... وزیراعظم عمران خان ایک روزہ دورے پر لاہور پہنچ گئے۔ وزیر اعظم سے گورنر پنجاب چوہدری سرور اور وزیر اعلیٰ عثمان بزدار نے ملاقات کی ۔صوبے میں امن و امان کی صورتحال زیر غور آئی۔ وزیراعلیٰ پنجاب نے وزیراعظم کو سانحہ ساہیوال پر پیش رفت سے آگاہ کیا اور پولیس اصلاحات کے بارے میں بریفنگ دی۔ایوان وزیراعلیٰ میں وزیراعظم کی زیر صدارت اجلاس میں سانحہ ساہیوال کی تحقیقات پر بریفنگ دی جائے گی جے آئی ٹی وزیراعظم کو اپنی رپورٹ پیش کرے گی۔
