میر حاصل بزنجو کینسر کے عارضے میں مبتلا

کراچی...نیشنل پارٹی کے سربراہ اور سابق وفاقی وزیر سنیٹر میر حاصل خان بزنجو کو کراچی کے ایک نجی اسپتال میں داخل کردیا گیا ۔ وہ کینسر کے عارضہ میں مبتلا ہیں۔ ان کے اہل خانہ نے دعا صحت کی اپیل کی ہے۔نیشنل پارٹی کے ترجمان جان محمدبلیدی نے تصدیق کی کہ نیشنل پارٹی کے مرکزی رہنما کینسر کے موذی مرض کا شکار ہو گئے ۔ میرحاصل بزنجو کے مزید ٹیسٹ کئے جارہے ہیں جس کے بعد ہی کینسر کے اسٹیج کا تعین ہوگا۔ ترجمان نے بتایاکہ فی الحال میرحاصل بزنجو تکلیف میں ہیں۔ انہیں کراچی کے نجی اسپتال میں ایڈمٹ کیا گیا ہے جہاں ان کی کیمو تھراپی کی جارہی ہے۔