بلاول بھٹو کا طیارہ رن وے سے اتر گیا

  اسلام آباد ... اسلام آباد ائیر پورٹ پر پیپلزپارٹی کے چیئرمین بلاول بھٹو زرداری کا طیارہ لینڈنگ کے دوران پھسل کر رن وے سے اتر گیا ۔چیئرمین پیپلزپارٹی نجی طیارے جی 200 میں لاہور سے اسلام آبادپہنچے تھے ۔ذرائع کے مطابق حادثہ طیارے کی ہائیڈرولک بریک خراب ہونے کے باعث پیش آیا۔ بلاول بھٹو زرداری سمیت طیارے میں موجود عملے کے تمام افراد محفوظ رہے۔ پیپلزپارٹی کے چیئرمین بلاول ہاوس روانہ ہوگئے۔ واضح رہے جس وقت طیارے نے لینڈ کیا اس وقت بارش ہورہی تھی۔ذرائع کے مطابق طیارہ بحریہ ٹاون کی ملکیت ہے۔