حسینہ واجد نے تیسری مرتبہ وزارت عظمی کا حلف اٹھالیا

  ڈھاکا ...بنگلہ دیشی وزیر اعظم شیخ حسینہ واجد نے مسلسل تیسری مدت کے لئے وزارت عظمیٰ کے عہدے کا حلف اٹھا لیا ۔ پیر کو ڈھاکا میں خصوصی تقریب میں صدر عبدالحامد نے وزیر اعظم شیخ حسینہ واجد اور کابینہ سے حلف اٹھایا۔ کابینہ24 وزراءاور 19وزرائے مملکت پر مشتمل ہے۔ بیشتر چہرے نئے ہیں۔ بنگلہ دیش میں 30 دسمبر کو ہو نے والے پارلیمانی انتخابات میں شیخ حسینہ کی سیاسی جماعت عوامی لیگ نے بھاری اکثریت سے کامیابی حاصل کی تھی۔ اپوزیشن نے انتخابات اور نتائج کو مسترد کرتے ہوئے نئے الیکشن کرانے کا مطالبہ کیا ہے۔