ترک اور روسی صدور کی ملاقات جلد متوقع
انقرہ ...ترک صدر رجب طیب ا ردگان کی روسی ہم منصب پوٹین سے ملاقات جلد متوقع ہے۔ سفارتی ذرائع کے مطابق دونوں رہنما شام سے امریکی افواج کے انخلاء کے بعد کی صورتحال پر تبادلہ خیال کریں گے۔ شام میں خانہ جنگی کے دو اہم فریق ممالک کے صدور نے حال ہی میں جی ٹوئنٹی اجلاس کے موقع پر سائڈ لائن پر ملاقات کی تھی۔ واضح رہے کہ ترکی شام میں باغی گروپوں کی حمایت کرتا ہے جبکہ روس اور ایران اسد رجیم کے حامی ہیں۔
