ٹرمپ کا خفیہ دورہ عراق کی قومی خودمختاری کی خلاف ورزی

تہران۔۔۔ ایران نے ڈونلڈ ٹرمپ کے عراق کے خفیہ دورے پر کڑی تنقید کرتے ہوئے اسے سفارتی آداب کے منافی اور عراق کی قومی خودمختاری کی خلاف ورزی قرار دیا ہے۔ ایرانی وزارت خارجہ کے ترجمان بہرام قاسمی نے کہاکہ علاقائی اقوام اور ممالک اغیار اور جارحیت کرنے والوں کو خطے کے ممالک کے درمیان تفرقہ ڈالنے کی ہرگز اجازت نہیں دیں گے۔ یہ علاقے کی بیدار قومیں تھیں جنہوں نے صحیح وقت میں امریکی صہیونی سازشوں کو سمجھتے ہوئے دہشتگردی کی لعنت پر قابو پالیا۔