جدہ سے آنے والی خاتون مسافر جاں بحق

لاہور: سعودی عرب سے پاکستان آنے والی پرواز میں ایک خاتون حرکت قلب بند ہونے کے باعث جاں بحق ہو گئی۔ ذرائع کے مطابق ایئربلیو کی پرواز پی اے 471 جدہ سے لاہور آ رہی تھی۔ لینڈنگ کے وقت خاتون کی حرکت قلب بند ہو گئی جس کے نتیجے میں وہ جاں بحق ہو گئی۔ جہاز کے لاہور ایئرپورٹ پر اترنے کے ایک گھنٹہ تک خاتون کو طبی امداد مہیا نہیں کی گئی۔ ذرائع کے حوالے سے بتایا گیا ہے کہ جہاز صبح 5 بجکر 20 منٹ پر لینڈ ہوا جبکہ سول ایوی ایشن کا طبی عملہ 6 بجکر 13 منٹ پر خاتون کو چیک کرنے آیا۔ سول ایوی ایشن کے ڈاکٹر مبشر نے خاتون کی وفات کی تصدیق کی۔