ریاض۔۔۔ سعودی عرب کے قومی میلے کی انتظامیہ کا کہنا ہے کہ میلے میں عام افراد کا داخلہ بروز پیر 24دسمبر سے کھولا جارہا ہے ۔ میلے کے اوقات صبح 11 سے رات 11 تک ہونگے ۔ جمعہ کے دن میلے کا آغاز نماز جمعہ کے بعد دوپہر 2 بجے سے ہو گا جو رات 12 بجے تک جاری رہے گا ۔ میلہ کی انتظامیہ کا کہنا ہے کہ نیشنل گارڈز میلے کی حفاظت اور تمام امور کی ذمہ دا ر ہے تاکہ جنادریہ میلے میں آنے والوں کو ہر ممکن حد تک سہولت پہنچائی جاسکے ۔ اس ضمن میں شہر کے مختلف علاقوں سے شٹل بس سروس بھی شروع کی جائیگی جبکہ میلے کے اطراف میں وسیع پیمانے پر پارکنگ کا بھی خصوصی انتظام کیا گیا ہے ۔
