ساحلی آندھرا اور چنئی کے کئی مقامات پر زوردار بارشیں

حیدرآباد۔۔۔  شدید سمندری طوفان ’’پیتھائی‘‘کے زیر اثر ساحلی آندھراپردیش اور چنئی کے کئی مقامات پر شدید بارش ہورہی ہے۔ساتھ ہی تلنگانہ اور تمل ناڈو کے بعض مقامات پربھی بارش ہورہی ہے۔طوفان کے نتیجہ میں اے پی کے وشاکھاپٹنم کے ناگم پٹنم میںکئی درخت اور بجلی کے پول اکھڑ گئے ۔ان علاقوں میں شدید طوفانی ہوائیں دیکھی جارہی ہیں۔مقامی انتظامیہ کی جانب سے ان سڑکوں پر گرے درختوں اور بجلی کے پولز کو ہٹانے کا کام کیا جارہا ہے۔